Madridning “Real” klubi hujumchisi Krishtianu Ronaldu mavsum so‘ngida jamoani tark etishi mumkin, deb xabar beradi Ispaniya matbuoti.
32 yoshli futbolchi “Real” rahbariyatidan kelasi yozda o‘zini 100 milliondan kam bo‘lmagan summada sotishlarini ta’lab qilgan. Oldinroq “Qirollik klubi” prezidenti Florentino Peres Ronalduning maoshini Messi va Neymar bilan bir xilda to‘lashga va’da bergandi, lekin uning so‘zlari hozircha quruq va’da bo‘lib qolmoqda. Ma’lum bo‘lishicha, portugaliyalik futbolchi Peres bilan hattoki gaplashmasdan qo‘ygan.
Jorje Mendesh (Ronalduni agenti) PSJ va “Manchester Yunayted”ga mijozi “Real”ni tark etayotgani ma’lum qilgan.
Ma’lumot uchun, Ronalduning amaldagi shartnomasi 2021 ylida o‘z nihoyasiga yetadi va uning tovon puli 1 milliard deb belgilangan.
