Qatarning «Al-Garafa» klubida bosh murabbiy almashdi. Klub rahbariyati Jan Fernandesni iste’foga chiqargan va uning o‘rniga jamoa boshqaruviga turkiyalik mutaxassis Bulent Uyg‘unni tayinlagan.

Bungacha ushbu 46 yoshli mutaxassis mamlakatning boshqa bir klubi «Umm-Salal»ni boshqarib kelayotgandi.

Qayd etish kerakki, «Al-Garafa» Toshkentning «Paxtakor» klubiga Osiyo Chempionlar ligasining asosiy bosqichiga o‘tishdagi pley-off bosqichida raqiblik qiladi.

Ayni vaqtda ushbu klub Qatar Yulduzlar ligasida birinchi davradan so‘ng 11 ochko to‘plagan hoda turnir jadvalida 12 jamoa orasida 7-o‘rinda bormoqda.

«Al-Garafa»  – «Paxtakor» uchrashuvi 30 yanvar kuniga belgilangan. Uchrashuv Doha shahrida bo‘lib o‘tadi.