Қатарнинг «Ал-Гарафа» клубида бош мураббий алмашди. Клуб раҳбарияти Жан Фернандесни истеъфога чиқарган ва унинг ўрнига жамоа бошқарувига туркиялик мутахассис Булент Уйғунни тайинлаган.
Бунгача ушбу 46 ёшли мутахассис мамлакатнинг бошқа бир клуби «Умм-Салал»ни бошқариб келаётганди.
Қайд этиш керакки, «Ал-Гарафа» Тошкентнинг «Пахтакор» клубига Осиё Чемпионлар лигасининг асосий босқичига ўтишдаги плей-офф босқичида рақиблик қилади.
Айни вақтда ушбу клуб Қатар Юлдузлар лигасида биринчи даврадан сўнг 11 очко тўплаган ҳода турнир жадвалида 12 жамоа орасида 7-ўринда бормоқда.
«Ал-Гарафа» – «Пахтакор» учрашуви 30 январь кунига белгиланган. Учрашув Доҳа шаҳрида бўлиб ўтади.
