Kataloniyanining «Barselona» klubi bosh murabbiyi Ernesto Valverde Ispaniya kubogi 1/8 finali doirasidagi «Selta»ga qarshi uchrashuv oldidan o‘z fikrlarini bildirib o‘tdi.

«Koutinyo — boshqa klub futbolchisi. Albatta, u ajoyib o‘yinchi. Nimalar bo‘lishini bilmayman, ammo meni ko‘proq jamoam futbolchilari qiziqtiradi.

Dembeledek yuksak mahoratli futbolchimiz safga qaytmoqda, bu biz uchun ajoyib xushxabar. U moslashuv jarayonida jarohat olgandi. Endilikda Usmonga barchamiz yordam berishimiz kerak. U o‘ynashga tayyor.

Yumtiti – juda yaxshi himoyachi va umid qilamizki, Samuel uzoq yillar «Barselona» sharafini himoya qiladi. Bu mavsum «Selta»ga qarshi o‘ynadik va bizni qanday raqib kutib turganini yaxshi bilamiz.

Birinchi bahs safarda o‘tadi, vigoliklar o‘z maydonida juda tajovuzkor futbol ko‘rsatishadi. Umuman, bu ikki yaxshi jamoa o‘rtasidagi ajoyib o‘yin bo‘ladi. Raqibni hurmat qilamiz, ular turnirdagi eng qiyin raqiblardan biri» — deydi Valverde.