Каталониянининг «Барселона» клуби бош мураббийи Эрнесто Вальверде Испания кубоги 1/8 финали доирасидаги «Сельта»га қарши учрашув олдидан ўз фикрларини билдириб ўтди.

«Коутиньо — бошқа клуб футболчиси. Албатта, у ажойиб ўйинчи. Нималар бўлишини билмайман, аммо мени кўпроқ жамоам футболчилари қизиқтиради.

Дембеледек юксак маҳоратли футболчимиз сафга қайтмоқда, бу биз учун ажойиб хушхабар. У мослашув жараёнида жароҳат олганди. Эндиликда Усмонга барчамиз ёрдам беришимиз керак. У ўйнашга тайёр.

Юмтити – жуда яхши ҳимоячи ва умид қиламизки, Самуэль узоқ йиллар «Барселона» шарафини ҳимоя қилади. Бу мавсум «Сельта»га қарши ўйнадик ва бизни қандай рақиб кутиб турганини яхши биламиз.

Биринчи баҳс сафарда ўтади, виголиклар ўз майдонида жуда тажовузкор футбол кўрсатишади. Умуман, бу икки яхши жамоа ўртасидаги ажойиб ўйин бўлади. Рақибни ҳурмат қиламиз, улар турнирдаги энг қийин рақиблардан бири» — дейди Вальверде.