“Liverpul” klubi hujumchisi Roberto Firminyo uzoq muddatga diskvalifikasiya qilinishi mumkin.

Xabarlarga ko‘ra, braziliyalik futbolchi “Everton”ga qarshi o‘yin (2:1) da himoyachi Meyson Xolgeyt tomoniga irqchilik mavzusiga doir bir nechta so‘zlarni aytgan.

Hammasi Xolgeyt Firminyoni muxlislar o‘rindig‘i tarafga turtib yuborganidan so‘ng boshlandi. Shundan so‘ng Firminyo g‘azab otiga minib, Meyson manziliga bir nechta nomaqbul so‘zlar gapirgan.

Xolgeyt bu gaplariga chiday olmay hakamga yuzlangandi, lekin hakam buni e’tiborsiz qoldirdi. Agarda Robertoning aybi oshkor qilinsa, u uzoq muddatga futboldan chetlatilishi mumkin.