“Ливерпуль” клуби ҳужумчиси Роберто Фирминьо узоқ муддатга дисквалификация қилиниши мумкин.
Хабарларга кўра, бразилиялик футболчи “Эвертон”га қарши ўйин (2:1) да ҳимоячи Мэйсон Холгэйт томонига ирқчилик мавзусига доир бир нечта сўзларни айтган.
Ҳаммаси Холгэйт Фирминьони мухлислар ўриндиғи тарафга туртиб юборганидан сўнг бошланди. Шундан сўнг Фирминьо ғазаб отига миниб, Мэйсон манзилига бир нечта номақбул сўзлар гапирган.
Холгэйт бу гапларига чидай олмай ҳакамга юзланганди, лекин ҳакам буни эътиборсиз қолдирди. Агарда Робертонинг айби ошкор қилинса, у узоқ муддатга футболдан четлатилиши мумкин.
