Ko‘pchilik OAV «PSJ» bosh murabbiyi Unai Emerining klubda qolish qolmasligi «Real»ga qarshi o‘yin natijasi bilan bog‘lamoqda. Murabbiyning o‘zi bunga quyidagicha javob qaytardi:
«Doimo bugungi kunim bilan yashayman. Kelajagim haqida o‘ylayotganim yo‘q. Ammo hech kim menga jamoamiz musobaqani tark etsa o‘rnimni bo‘shatib qiyishim haqida gapirgani yo‘q.
Bu yer menga juda yoqadi. Xuddi hayotimni oxirigacha shu yerda qoladigandekman. Shu bilan birgalikda ertayoq jamoani tark etishim mumkinligini ham bilaman.
O‘tgan mavsum «Monako» mamlakat chempionligini qo‘lga kiritganda hamma mening ketishim haqida jar soldi, ammo shu yerdaman.
Bu men uchun katta chaqiruv va «Real» bilan o‘yinni kutyapman. Bahsning ahamiyati finalga teng. «PSJ» ko‘p yillardan buyon kuchlilarga qarshi tura olishga intilmoqda. Hozirgi paytning eng kuchli jamoasi «Real» – deydi Emeri.
