Turkiyada birinchi yig‘ini o‘tkazayotgan "Paxtakor" birinchi nazorat o‘yinida Turkiya uchinchi ligasi jamoasi "Turgutluspor" bilan o‘tkazib yirik hisobda g‘alaba qozondi.
12-daqiqada Kozak hisobni ochgan bo‘lsa, bir daqiqa o‘tib, Masharipov Bezerraning to‘p oshirishidan so‘ng hisobni 2:0ga yetkazdi. O‘yin tugashiga 10 daqiqa qolganda Sayfiyev hisobni yirik ko‘rinishga olib keldi - 3:0.
Ta’kidlash joiz, ikkinchi bo‘limda Suyunovning o‘rniga maydonga tushgan toshkentliklar posboni Lobanov ikkita penaltini qaytardi. Birinchisida penaltini qaytargan va qaytgan to‘pga berilgan zarbani ham ushlab olgan.
Nazorat o‘yini
"Paxtakor" - "Turgutluspor" 3:0
Gollar: Kozak (12), Masharipov (13), Sayfiyev (80).
"Paxtakor": Suyunov, Kozak, Simich, A’zamov, Shorahmedov, Rahmatullayev, Ahmedov, Masharipov, Iskanderov, Abdurahimov, Bezerra.
