Туркияда биринчи йиғини ўтказаётган "Пахтакор" биринчи назорат ўйинида Туркия учинчи лигаси жамоаси "Тургутлуспор" билан ўтказиб йирик ҳисобда ғалаба қозонди.
12-дақиқада Козак ҳисобни очган бўлса, бир дақиқа ўтиб, Машарипов Безерранинг тўп оширишидан сўнг ҳисобни 2:0га етказди. Ўйин тугашига 10 дақиқа қолганда Сайфиев ҳисобни йирик кўринишга олиб келди - 3:0.
Таъкидлаш жоиз, иккинчи бўлимда Суюновнинг ўрнига майдонга тушган тошкентликлар посбони Лобанов иккита пенальтини қайтарди. Биринчисида пенальтини қайтарган ва қайтган тўпга берилган зарбани ҳам ушлаб олган.
Назорат ўйини
"Пахтакор" - "Тургутлуспор" 3:0
Голлар: Козак (12), Машарипов (13), Сайфиев (80).
"Пахтакор": Суюнов, Козак, Симич, Аъзамов, Шораҳмедов, Раҳматуллаев, Аҳмедов, Машарипов, Искандеров, Абдураҳимов, Безерра.
