Bugun Toshkentdagi yig‘in o‘tkazayotgan jamoamiz birinchi nazorat uchrashuvni o‘tkazdi. Uchrashuv futbolchilarimiz uchun omadli boshlandi.  Murod Xolmuhammedov 7-daqiqada penaltidan hisobni ochdi.

24-daqiqada Akram Bahriddinov hisobni tenglashtirdi. 40-daqiqada muborakliklar penalti tepish huquqiga ega bo‘lishdi. Zaxiradan maydonga tushgan Sardor Rahmonov muborakliklarni oldinga olib chiqdi.

Birinchi bo‘lim yakunlanishi arafasida futbolchilarimiz gol urish imkoniyatiga ega bo‘lishdi. Raqiblarimizni darvoza tusini goldan saqlab qoldi.

Ikkinchi bo‘limda tarkibimiz to‘liq yangilandi. Maydonga bir qator tajribali o‘yinchilar bilan bir qatorda sinovda bo‘lib turgan yosh futbolchilar tushishdi. Ikkinchi taym boshida yana penalti tepish huquqiga ega bo‘ldik. Bu safar Jalil Kimsanov penaltini aniq amalga oshira olmadi.

Uchrashuvning qolgan qismi teng kurashlar ostida o‘tdi. Jamoalar navbat bilan hujumlar tashkil etishdi. Ammo ulardan oqilona foydalanish nasib etmadi.

96-daqiqada Sanjar Zokirov uchinchi bor darvozabonimizni dog‘da qoldirdi. Ushbu o‘yin tomonlarning kelishuviga ko‘ra, bir soatdan bo‘lib o‘tdi. Aniqrog‘i, har bir taym bir soatdan o‘ynaldi. Bundan maqsad yangi futbolchilarni ko‘zdan kechirish edi.

Uchrashuv yakunlanishi arafasida Abdullox Olimov to‘rtinchi marta darvozamizni ishg‘ol etdi. Oradan hech qancha o‘tmay, Abdullox jamoasining beshinchi goliga mualliflik qildi.

Natijada birinchi nazorat uchrashuvi yirik mag‘lubiyat bilan yakunlandi. Ikkinchi taymda jamoamiz safida bir qator yosh futbolchilar harakat qilishganini ta’kidlash joiz.

Nazorat uchrashuvi

“Qo‘qon-1912” – “Mash’al” – 1:5 (1:2)

Gollar: M. Xolmuhammedov (pen), - A. Bahriddinov, S. Rahmonov (pen), S. Zokirov, A. Olimov 2 ta.

Bosh hakam: A. Najafaliyev.

“Qo‘qon-1912”: M. Abdullayev, M. Xolmuhammedov, A. Xolmurodov, A. Merzlyakov, J. Hasanov, D. Hoshimov, B. Akramov, S. Berdiyev, Q. Ro‘ziyev, N. Otaqo‘ziyev, B. Pardayev.

Zaxira: A. Ashurov, M. Hasanov, I. Malikjonov, S. Hamidov, R. Meliboyev, J. Kimsanov, I. Rahimov, I. Taran, J. Abduholiqov. X. Jakparov. O‘. Yusupov, I. Abdullayev.

“Mash’al”: J. Ilyasov, SH. Qilichev, I. Shoyqulov, M. Ubaydullayev, B. Qosimov, A. Shodmonov, S. Abduraimov, M. Safarov, A. Bahriddinov,  N. Pavlenko, X. Murtazoyev.

Zaxira: B. Nosirov, M. Kamolov, M. Meliyev, S. Meliyev, A. Inoyatov, H. Aliqulov, M. Toshpo‘latov, A. Begimqulov, SH. Eshbo‘tayev, A. Olimov, S. Rahmonov, S. Zokirov, F. Hasanboyev.