Jamoamizning braziliyalik legioneri Tiago Bezerra Turkiyada davom etayotgan yig‘in xususida fikrlarini bildirdi.

- Mashg‘ulotlar yaxshi o‘tmoqda. Ayni kunlarda jismoniy va taktik tarafdan ko‘p ishlayapmiz. Yangi mavsumga tayyorgarlik vaqti juda muhim davr. Har kuni 2 mahaldan mashg‘ulot o‘tkazyapmiz. Yaxshi holatga kirib olish uchun mehnat qilish darkor. Ta’tildan keyin mashg‘ulotga qaytish qiyin, ammo bu o‘ta muhim palla. Yig‘inlarda o‘yinchilar bir-birini yaxshiroq o‘rganadi va tushunishni boshlaydi, jamoaviy ahillik oshadi. Murabbiyni ham yanada yaqindan bilamiz, uslubiga yaxshiroq ko‘nikamiz. Yangi futbolchilar jamoaga moslashishi jarayonini o‘taydi. Shu sababli yig‘inlar jamoaga katta yordam beradi.

Birinchi nazorat o‘yini qiyin kechdi, chunki ancha vaqt uchrashuvlarda maydonga tushmadik. O‘yin sur’atiga qaytish boshida qiyin kechadi. Tayyorgarligimiz 30 yanvarda o‘tadigan Chempionlar ligasi bellashuviga qaratilgan. Unga yaxshi holatda yetib borishga intilamiz.