Dortmundning “Borussiya” klubi futbolchilari Ispaniyadagi yig‘inda sog‘liqlaridan shikoyat qilishdi.

Ya’ni “Borussiya”ning 9 futbolchisi Roman Byurki, Roman Vaydenfeller, Mark Bartra, Andre Shyurrle, Kristian Pulishich, Omer Toprak, Yakob Larsen, Nuri Shahin va Dominik Raymannlarda ichak gripi kasalligi aniqlangan.

Xabarlarga ko‘ra, kasallik sababi tovuq go‘shtidan tayyorlangan kabobdan chiqib kelgan bo‘lishi mumkin.

Kasallangan futbolchilar yakshanba kuni “Volfsburg”ga qarshi uchrashuvga qadar tiklanishlari kerak bo‘ladi.