“Arsenal” yarim himoyachisi Aleksis Sanches faoliyatini “Manchester Yunayted”da davom ettirishi mumkin.

Taniqli jurnalist Janluka Di Marsioning aytishiga ko‘ra, “MYU” bosh murabbiyi Joze Mourinyo shaxsan Arsen Venger bilan chililik futbolchi transferi borasida muzokara olib borgan.

“Yunayted” Sanches transferiga qo‘shib, so‘nggi vaqtlar asosiy tarkibda kam maydonga tushayotgan Geynrix Mxitaryanni bermoqchi. Sanches esa “Manchester Siti” bilan shaxsiy kelishuvga erishgani uchun “MYU”ga o‘tish haqida o‘ylamayapti.