Bir necha daqiqa oldin "Barselona" yarim himoyachisi Arda Turan faoliyatini Turkiya chempionati vakili "Istanbul Bashakshexir" klubi bilan shartnoma imzolagani e’lon qilindi.
Xo‘sh turkiyalik yarim himoyachining "Barselona"dagi faoliyati qanday kechdi? Quyida bu haqda to‘xtalib o‘tamiz.
2015 yilning 6 iyul kuni "Barselona" 34 mln.evro evaziga "Atletiko"dan Turonni xarid qildi. Biroq u 6 oy davomida kataloniyaliklar formasini kiya olmadi. Sababi "Barsa"ga transfer cheklovi qo‘yilgan edi.
Arda Turan "Barcelona" bilan shartnoma tuzganidan so‘ng shunday degan edi: "Barcelona" menga qiziqish bildirayotganini eshitib kechalari uhlay olmay chiqar edim. Har kuni bo‘sh vaqtimda agentimga qo‘ng‘iroq qilib so‘ngi habarlardan so‘rab turardim, "Barcelona"ni miyyamdan chiqarib tashlolmasdim. Men Messi, Suarez, Neymar va Iniyestalarga qarshi juda ko‘p o‘ynaganman, va endi ular bilan birga bir jamoada o‘ynash nasib qilishidan hursandman".
Arda mavsumning ikkinchi yarmida jamoa tarkibiga qo‘shildi. U Ispaniya chempionatida 18 o‘yinda ikkita gol urdi. Jumladan 2016 yilning 3 mart kuni "Rayo Valyekano" bilan o‘yinda jamoadagi ilk golini urdi.
Mavsum davomida 25 o‘yinda 2 gol kiritgan turk futbolchisi jamoa bilan birga Ispaniya chempioni, kubogi va superkubogini qo‘lga kiritdi. Bir qarashda omadli mavsum.
O‘sha paytda turk futbolchisi shunday degan edi: "Men "Barselona" bilan shartnoma tuzayotganimda o‘zgacha hissiyotlarni boshdan kechirgandim: Agar juda yaxshi o‘ynab ketsam, "Barselona" futbolchisiga aylanaman. Agar shunchaki yaxshi o‘ynasam, "Arsenal"ga yo‘l olaman".
