Бир неча дақиқа олдин "Барселона" ярим ҳимоячиси Арда Туран фаолиятини Туркия чемпионати вакили "Истанбул Башакшехир" клуби билан шартнома имзолагани эълон қилинди.
Хўш туркиялик ярим ҳимоячининг "Барселона"даги фаолияти қандай кечди? Қуйида бу ҳақда тўхталиб ўтамиз.
2015 йилнинг 6 июль куни "Барселона" 34 млн.евро эвазига "Атлетико"дан Туронни харид қилди. Бироқ у 6 ой давомида каталонияликлар формасини кия олмади. Сабаби "Барса"га трансфер чеклови қўйилган эди.
Арда Туран "Барcелона" билан шартнома тузганидан сўнг шундай деган эди: "Барcелона" менга қизиқиш билдираётганини эшитиб кечалари уҳлай олмай чиқар эдим. Ҳар куни бўш вақтимда агентимга қўнғироқ қилиб сўнги ҳабарлардан сўраб турардим, "Барcелона"ни мийямдан чиқариб ташлолмасдим. Мен Месси, Суарез, Неймар ва Иниесталарга қарши жуда кўп ўйнаганман, ва энди улар билан бирга бир жамоада ўйнаш насиб қилишидан ҳурсандман".
Арда мавсумнинг иккинчи ярмида жамоа таркибига қўшилди. У Испания чемпионатида 18 ўйинда иккита гол урди. Жумладан 2016 йилнинг 3 март куни "Райо Вальекано" билан ўйинда жамоадаги илк голини урди.
Мавсум давомида 25 ўйинда 2 гол киритган турк футболчиси жамоа билан бирга Испания чемпиони, кубоги ва суперкубогини қўлга киритди. Бир қарашда омадли мавсум.
Ўша пайтда турк футболчиси шундай деган эди: "Мен "Барселона" билан шартнома тузаётганимда ўзгача ҳиссиётларни бошдан кечиргандим: Агар жуда яхши ўйнаб кетсам, "Барселона" футболчисига айланаман. Агар шунчаки яхши ўйнасам, "Арсенал"га йўл оламан".
