Toshkentda yig‘in o‘tkazayotgan “Qo‘qon-1912” ikkinchi nazorat uchrashuvini o‘tkazdi. Bu safargi raqib  “Navbahor” bo‘ldi.

Uchrashuvni futbolchilarimiz ancha faol tarzda boshlashdi. Birinchi daqiqada Suhrob Berdiyev  raqib posboni bilan birga-bir vaziyatga chiqayotgan edi. Ammo hujumchimiz o‘yindan tashqari holatda qolib ketdi. Bugun jamoamiz tarbiyalanuvchsi Avazxon Mamatxo‘jayev «Navbahor» safida ancha mazmunli o‘yin ko‘rsatdi. Ushbu yosh o‘yinchi ijara asosida “Navbahor”da o‘ynaydigan bo‘ldi.

22-daqiqada raqiblarimiz o‘z jarima maydonchalari ichida Suhrob Berdiyevga nisbatan qo‘pollik ishlatishdi. Bosh hakam esa penalti belgiladi. Penaltini Murod Xolmuhammedov aniq amalga oshirib hisobni ochdi.

Birinchi bo‘limning qolgan daqiqalarida vakillarimizda raqib darvozasini ishg‘ol etish uchun bir qator vaziyatlar vujudga keldi. Biroq ulardan unumli foydalana olmadik. Natijada o‘yining birinchi qismi shu hisobda intiho topdi.

Ikkinchi taymni ham futbolchilarimiz faol boshlashdi. 49-daqiqada Igor Taran juda qulay vaziyatdan foydalana olmadi.

67-daqiqada futbolchilarimiz ketma-ket chiroyli, kombinasion hujumlar uyushtirishdi. So‘nggi to‘p uzatishlarda xatoliklar bo‘ldi.

72-daqiqada namanganliklar hisobni tenglashtirishga yaqin kelishdi. «Navbahor» futbolchilari jarima zarbasini tepishdi. Zohir Pirimov tepgan to‘p darvozamiz to‘sinidan qaytdi.

77-daqiqada chiroyli hujum tashkil etdik. Zaxiradan maydonga tushgan  Bahodir Akramovning zarbasi biroz noaniq bo‘ldi.

Uchrashuvning so‘nggi daqiqalarida ajoyib hujumlar, ketma-ket zarbalar vakillarimiz tomonidan ijro etildi. Biroz omad kelmadi, aks holda hisob o‘zgarishi mumkin edi.

89-daqiqada “Navbahor” futbolchilari jarima to‘pidan hisobni tenglashtirishdi. Gol muallifi - Ayubxon No‘’monov. No‘’monovning zarbasi ideal bo‘ldi. Abdullayev  to‘p yo‘nalishi to‘g‘ri topgan edi. Darvozabonimizning qo‘liga tekkan to‘p oxir oqibat darvozamizdan o‘rin oldi.

Shu tariqa vakillarimiz nazorat uchrashuvida jangovor durang qayd etildi.

Nazorat uchrashuvi

“Qo‘qon-1912” – “Navbahor” – 1:1 (1:0)

Bosh hakam: V. Seytlin.

Gollar: Murod Xolmuhammedov – 22 (pen). - Ayubxon No‘’monov – 89.

“Qo‘qon-1912”: O‘tkir Yusupov, Davron Hoshimov, Murod Holmuhammedov, Akmal Xolmurodov, Aleksandr Merzlyakov, Jamshid Hasanov, Quvondiq Ro‘ziyev, Doniyor Hasanov, Suhrob  Berdiyev, Igor Taran, Bahodir Pardayev.

Zaxira: Muzaffar Abdullayev, Aziz Ashurov, Iqbol Malikjonov, Jalil Kimsanov, Bahodir Akramov, Muhammadanas Hasanov, Oybek Mirzohidov, Ibrohim Rahimov, Nosir Otaqo‘ziyev, Sobir Hamidov.

“Navbahor”: Mirzohid Mamatxonov, Avazxon Mamatxo‘jayev, Jahongir Mehmonov, Ilhom Boydedayev, Mirzohid G‘ofurov, Zohir Pirimov, Oston O‘runov, Dilshod Sharofutdinov, Ayubxon No‘’monov, Azizbek Turg‘unboyev, Azamat Allaniyozov.

Zaxira: Abdumavlon Abdujalilov, Ravshan Xursanov, Abbos G‘ulomov, Akmal Turg‘unboyev, Shohzamon Xayrullayev.