Qatar Yulduzlar Ligasida 2-davra uchrashuvlari start oldi. 12-turning qiziqarli tarzda kechgan bellashuvlaridan birida "Lokomotiv"ning OFK Chempionlar Ligasi guruh bosqichidagi raqibi "Al Duhail" "Qatar SK" mehmoni bo‘ldi.
Musobaqa jadvali karvonboshisining chempionat autsayderiga qarshi bahsi kutilganidek "Duhail"ning g‘alabasi bilan yakunlandi. "Duhail" raqib darvozasini oz emas, ko‘p emas naqd 6 marta javobsiz ishg‘ol etishdi.
"Duhail" tarkibida Yusuf Al Arabi 3 marta, Yusuf Mskani 2 marta, Muhammad Mussa esa 1 martada muvaffaqiyat qozondi.
Natijada "Duhail" hisobidagi ochkolar soni 32taga yetdi va jamoa eng yaqin ta’qibchisi - "Al Sadd"dan 4 ochko oldinda bormoqda. "Duhail" navbatdagi uchrashuvini 19 yanvar kuni "Al Arabi"ga qarshi o‘tkazadi.
