Қатар Юлдузлар Лигасида 2-давра учрашувлари старт олди. 12-турнинг қизиқарли тарзда кечган беллашувларидан бирида "Локомотив"нинг ОФК Чемпионлар Лигаси гуруҳ босқичидаги рақиби "Ал Дуҳаил" "Қатар СК" меҳмони бўлди.
Мусобақа жадвали карвонбошисининг чемпионат аутсайдерига қарши баҳси кутилганидек "Дуҳаил"нинг ғалабаси билан якунланди. "Дуҳаил" рақиб дарвозасини оз эмас, кўп эмас нақд 6 марта жавобсиз ишғол этишди.
"Дуҳаил" таркибида Юсуф Ал Араби 3 марта, Юсуф Мскани 2 марта, Муҳаммад Мусса эса 1 мартада муваффақият қозонди.
Натижада "Дуҳаил" ҳисобидаги очколар сони 32тага етди ва жамоа энг яқин таъқибчиси - "Ал Садд"дан 4 очко олдинда бормоқда. "Дуҳаил" навбатдаги учрашувини 19 январ куни "Ал Араби"га қарши ўтказади.
