«Tottenxem» klubi bosh murabbiyi Maurisio Pochettino jamoa hujumchisi qayd etayotgan natijalarga izoh berib o‘tdi. Keyn klubning APLdagi eng yaxshi to‘purariga aylandi.
«Men Keynni tabriklab qo‘ymoqchiman. Bu juda ham ajoyib natija. U iqtidorli va o‘z navbatida haqiqiy professional, uning uchun baxtli.
Xarri ko‘plab maqtovlarga arziydi. Shu ketishda davom etsa, u APL barcha rekordlarini yangilab chiqadi.
Musobaqa jadvalining yuqori qismida jiddiy kurash ketmoqda va 3 ochko biz uchun qadrli. Jamoaning foydali ish koeffisiyenti yuqori bo‘ldi va futbolchilar o‘z xarakterini namoyish qilishdi.
So‘nggi ikki-uch oy davomida Son Xyon Min ham ajoyib o‘yin namoyish qilmoqda. Uning o‘ziga bo‘lgan ishonchi meni ruhlantirmoqda», - deydi Pochettino