SSSR terma jamoasi darvozaboni Lev Yashinning turmush o‘rtog‘i Valentina Yashina marhum turmush o‘rtog‘ining xarakteri qanday bo‘lganligini aytdi.

“Juda yaxshi inson edi. Begona kishi ustingizdagi kiyimingiz chiroyli ekan desa, unga shu kiymini sovg‘a qilib yuborardi. Chet eldan olib kelgan nimasi bo‘lsa, odamlar bilan ulashardi”, - dedi Valentina.

Eslatib o‘tamiz, Lev Yashin JCH-2018 musobaqasining ramziga aylanib, barcha plakatlarga uning rasmi tushirilgan.

Rossiya futbol federasiyasi prezidenti Vitaliy Mutko nimaga aynan Lev Yashinni ramz sifatida tanlaganlgini tushuntirib berdi.

“Bu rasmda oldingi davrning chinakam afsonasini ko‘rsatmoqchi bo‘ldik. Hech shubxasiz biz bunda Yashinni tanladik”, - dedi Mutko.   

Shuningdek, Yashin 2017 yilning iyul oyida FourFourTwo nashri bo‘yicha dunyoning eng kuchli futbolchilar qatoriga kiritildi. Darvozabon ro‘yxatda 22-o‘rinni egalladi va Eysebio (23), Ronaldinyo (24),  Rud Gullit (37), Janluiji Buffon (41) Oleg Bloxinlarni (45) ortda qoldirdi.

Ma’lumot uchun, Yashin “Oltin to‘p” sohibiga aylangan yagona darvozabon hisoblanadi. Bu sovrinni Lev 1963 yili qo‘lga kiritgan. U SSSR terma jamoasi bilan Yevropa chempionatini uch marta qo‘lga kiritgan. “Dinamo” klubi bilan esa mamlakat chempioni bo‘lgan.