O‘zbekiston olimpiya terma jamoasi bosh murabbiyi Ravshan Haydarov Ummonga qarshi 3-tur uchrashuvidan keyin matbuot anjumanida ishtirok etdi va uchrashuvda terma jamoa muhim g‘alabaga erishganini ta’kidladi.

“Bugun asosiysi natija ko‘rsatishimiz shart edi. Balki chiroyli o‘ynamagan bo‘lishimiz mumkin, ammo bugun asosiysi g‘alaba qozonishimiz kerak edi va g‘alaba qozona oldik. Eng muhimi, ushbu guruhdagi murakkab vaziyatdan chiqa oldik va chorak finalga yo‘llanmani qo‘lga kiritdik”,— deydi Haydarov.

“Ha, Qatarga qarshi uchrashuvdagi mag‘lubiyatdan so‘ng qiyin vaziyatda qolgan edik, ammo keyingi ikki uchrashuvda g‘alabaga erisha oldik. Biz turnirdagi har bir uchrashuvga jiddiy tayyorgarlik ko‘ramiz va muxlislarni xursand qilish uchun maydonga tushamiz”, — deydi Haydarov.

“Bugungi raqimizning o‘yin uslubidan kelib chiqib uchrashuvga taktik reja qilgan edik. Shuning uchun ikkinchi taymda biz raqib darvozasi tomon hujumlar sonini ko‘paytirishga harakat qildik. Raqib darvozasi tomon ko‘p qarshi hujumlar qildik. Endi chorak final uchrashuviga tayyorgarlik olib boramiz. Raqib kim bo‘lishidan qat’iy nazar ularga qarshi jiddiy tayyorgarlik ko‘ramiz”, — dedi Haydarov.