Madridning “Real” klubi hujumchisi Karim Benzema ikkinchi kun mana jamoaning umumiy guruh mashg‘ulotlarida ishtirok etmoqda.
Ma’lum bo‘lishicha, 30 yoshli fransiyalik futbolchi Ispaniya kubokining 1/4 finalidan o‘rin olgan “Leganes”ga qarshi uchrashuvda qaydnomaga kiritiladi.
Benzema bundan deyarli bir oy avval “Barselona”ga qarshi uchrashuv (0:3) da jarohat olib safdan chiqqandi.
Shuningdek, “Real” sardori Serxio Ramos ham 23 dekabr kunidan so‘ng individual tarzda mashg‘ulot olib bormoqda.
“Leganes” – “Real” uchrashuvi 19 yanvar kuni 01:30 da boshlanadi.
