Antaliyada o‘quv-mashg‘ulot yig‘ini o‘tkazayotgan AGMK tarkibida bir qator yangi futbolchilar ishtirok etishmoqda.
2017 yilgi mavsumda sharafini himoya qilgan bir qator futbolchilar shartnomalar uzaytirilmaganligini avvalroq xabar bergan edik. Tarkibdagi bo‘shliqni to‘ldirish maqsadida bir qator futbolchilar jamoaga taklif etildi. Ayni damda mashg‘ulotlarda ishtirok etayotgan Javlon Guseynov (So‘g‘diyona), Saydullo Rahmatov (Nasaf), Ibrohim No‘monov, Muzaffar Muzaffarov (ikkalasi - Neftchi), Otabek Zokirov (Qizilqum), Abdumalik Abdullayev (Dinamo) lar 2018 yilgi mavsumni AGMK safida o‘tkazishi aniq bo‘ldi.
Shuningdek, ikki nafar serbiyalik futbolchi Vladimir Bubanya (Zemun, Serbiya) va Yovan Jokich (Atirau, Qozog‘iston) bilan ham shartnoma imzolandi.
Jamoaning o‘tgan yilgi a’zolari bilan ham shartnomalar uzaytirilganligini ta’kidlash lozim.
Jamoa tarkibi shakllantirish davom etmoqda. Hozirda Qirg‘iziston terma jamoasi a’zosi Anton Zemlyanuxin mashg‘ulotlarda ishtirok etmoqda. Uning jamoada qolish yoki qolmasligi yaqin kunlarda aniq bo‘ladi.
Bugun bo‘lib o‘tadigan mashg‘ulotda xorijlik futbolchilar kelib qo‘shili kutilmoqda.
