“Espanyol” klubi bosh murabbiyi Kike Sanches Flores “Barselona”ga qarshi uchrashuv oldidan Lionel Messi va Krishtianu Ronaldularni solishtirdi.

“Messi – tarixdagi eng yaxshi futbolchi. Ko‘pchilik sportchilar menga o‘zlaring o‘yinlarini ko‘rsatib, maqtanishadi.

Ammo baribir Messi – yagona bo‘lib qolaveradi. Messining o‘yinlarini divanda o‘tirib ko‘raman. 15 yil avval Ronaldo, Maykl Jordan, Maradona kabi sportchilar o‘yinlarini tomosha qilardim.

Futbolchilar o‘rtasidagi raqobatga aralashmayman. Lekin aytishim mumkinki, Krishtianu Ronaldu eng yaxshi sportchilar o‘nligida bor, ammo birinchi o‘rinda emas”, – dedi Flores.