“Alaves” forvardi Boyan Krkich “Stok Siti”ga qaytishni istamoqda. Eslatib o‘tamiz, Krkichning transfer huquqi aslida “Stok Siti”ga tegishli bo‘lib, futbolchi ayni paytda ijara asosida “Alaves”da harakat qilmoqda.
27 yoshli hujumchi “Alaves” bilan amaldagi shartnomani bekor qilib, jamoasini Angliya premyer-ligasidan tushib ketmasligi uchun ortga qaytishni rejalashtirgan. Endilikda ushbu masalani jamoaning yangi bosh murabbiyi Pol Lambert hal qiladi.
Ma’lumot uchun, “Stok” APLning 23-turidan so‘ng 20 ochko bilan 18-o‘rinni egallab turibdi. Boyan esa “Alaves” safida 12 marta maydonga tushib, atigi bitta gol urgan.
