"Arsenal" hujumchisi Aleksis Sanchesning "MYU"ga o‘tishi deyarli aniq bo‘lib qoldi. Adidas firmasining Britaniyadagi do‘konlari "Manchester Yunayted" klubining yelkasida Aleksis nomi yozilgan 7-raqamdagi futbolkalarini sotuvga chiqardi.
Tvitterdagi Utdreport sahifasi xabar tarqatishicha, Adidasning Oksford Stritdagi do‘koni shunday futbolkalardan 7 donasini savdoga chiqargan.
Avvalroq "Arsenal" bosh murabbiyi Arsen Venger bayonot berib, Sanchesning "MYU"ga o‘tish masalasi 24 soat ichida hal bo‘lishini ta’kidlab o‘tgandi.