Turkiya futbolidagi eng taniqli va sovrindor mutaxassislardan biri Fotih Terim o‘z faoliyatida 4-marta (!) «Galatasaroy» boshqaruvini qo‘lga oldi.
Lekin u «Klub xizmatimga ehtiyoj sezar ekan, doim tayyorman - qaytaveraman, qaytaveraman!» qabilida ish tutuvchi yagona murabbiy emas.
Xullas, «Imperator»ning Istanbul klubiga navbatdagi qaytishi jamoa bilan yo‘llari ko‘p bora kesishgan murabbiylar haqida gapirish uchun jiddiy asosdir.
Fotih TERIM
(«Galatasaroy» bilan 4 marta hamkorlik)
1. 1996-2000. Yutuqlari: Turkiya chempioni (4 marta), Turkiya kubogi sohibi (2 marta), Turkiya superkubogi sohibi, UYEFA kubogi g‘olibi
2. 2002-2004. Yutuqlari: -
3. 2011-2013. Yutuqlari: Turkiya chempioni (2 marta), Turkiya superkubogi sohibi (2 marta)
4. 2017-... Yutuqlari: !!!!
Fotih Terim futbol maydonidayoq «Galatasaroy» afsonasiga aylangandi. Zero, u o‘yinchilik faoliyatining 11 yilini «sherlar»ga bag‘ishlagan va ko‘plab sovrinlar yutish asnosida sardor maqomiga ko‘tarilgandi. Tan olingan murabbiy o‘z hayotidagi asosiy klub boshqaruvini ilk marta bundan 21 yil oldin qo‘lga olgandi.
Ayni o‘sha birinchi davri hozirgacha eng samaralisi hisoblanadi: «Galatasaroy» ichki arenada mutlaq hukmronlik o‘rnatishdan tashqari, yevromaydonlarda ham o‘zini ko‘rsatgan. Aniqrog‘i, istanbulliklar UYEFA kubogini boshlari uzra baland ko‘tarishgandi.
Terim shundan keyin Italiya futbolini zabt etishga otlanib, «Fiorentina» va «Milan»da ishladi. Oxirgi 15 yil davomida esa jonajon klubi - «Galatasaroy» va Turkiya milliy jamoasini navbatma-navbat boshqardi. Aniqrog‘i, Terim bu davrda mamlakat bosh jamoasi boshqaruvini 3 marta qo‘lga oldi. Istanbul klubiga esa yaqinda 4-marta bosh murabbiy sifatida qaytdi.
Yuriy SYOMIN
(«Lokomotiv» bilan 4 marta hamkorlik)
1. 1986-1990. Yutuqlari: -
2. 1992-2005. Yutug‘lari: Rossiya chempioni (2 marta), Rossiya kubogi sohibi (4 marta), Rossiya superkubogi sohibi (2 marta)
3. 2009-2010. Yutuqlari: -
4. 2016-... Yutuqlari: Rossiya kubogi sohibi, !!!!
Ajoyib hamkorlik. 70 yoshli Yuriy Syomin ayni payt jonajon klubini yana Rossiya premyer-ligasi oltin medali tomon yetaklamoqda. Yuriy Pavlovich «temiryo‘lchilar» safiga deyarli 43 yil oldin, aniqrog‘i, 1975 yili futbolchi sifatida qo‘shilgandi.
1986 yilga kelib, uni Moskva klubi bosh murabbiyi lavozimiga tayinlashdi. Syomin ilk urinishda 4 yil ishlab, shogirdlari bilan sobiq ittifoq kubogi finaliga chiqdi. Biroq shundan keyingi ayriliq naq 13 yilga cho‘zildi. Umumiy hisoblaganda, Yuriy Pavlovichning «Lokomotiv» boshqaruvidagi davri deyarli 20 yilga yetdi.
E’tibor bering, Syomin «temiryo‘lchilar» bosh murabbiyi rolida ilk chempionlikni 38 yoshida nishonlagandi. Joriy mavsum yakunida esa 71 yoshga to‘ladi. Demakki, «Loko»ning tirik ramzi o‘ziga munosib sovg‘a hozirlamoqda. Har holda, uning klubi Rossiya chempionatida ishonch bilan peshqadamlik qilmoqda.
Yupp XAYNKES
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
