Angliyaning “Manchester Siti” klubi “Atletiko” hujumchisi Antuan Grizmann sotib olishni rejalashtirmoqda. Bu haqda Don Balon nashri xabar berdi.
Manbaning aytishiga ko‘ra, Angliya jamoasi fransiyalik futbolchining agenti bilan muzokaralarni boshlagan.
Ta’kidlab o‘tish joizki, “shaharliklar” Sanchesning transferi barbod bo‘lgandan so‘ng Grizmannni sotib olishni maqsad qilishgan.
Shuningdek, xabarda aytilishicha, “Barselona” Filippe Koutinyoni sotib olgandan keyin moliyaviy muammolar sabab Grizmann transferini xarid qila olmasligi mumkin.
Avvalroq, “Barselona” Grizmann bilan shaxsiy kelishuvga erishgani haqida xabarlar tarqalgandi.
