Англиянинг “Манчестер Сити” клуби “Атлетико” ҳужумчиси Антуан Гризманн сотиб олишни режалаштирмоқда. Бу ҳақда Don Balon нашри хабар берди.
Манбанинг айтишига кўра, Англия жамоаси франциялик футболчининг агенти билан музокараларни бошлаган.
Таъкидлаб ўтиш жоизки, “шаҳарликлар” Санчеснинг трансфери барбод бўлгандан сўнг Гризманнни сотиб олишни мақсад қилишган.
Шунингдек, хабарда айтилишича, “Барселона” Филиппе Коутиньони сотиб олгандан кейин молиявий муаммолар сабаб Гризманн трансферини харид қила олмаслиги мумкин.
Аввалроқ, “Барселона” Гризманн билан шахсий келишувга эришгани ҳақида хабарлар тарқалганди.
