AGMK jamoasining Antaliyadagi mashg‘ulotlari davom etmoqda. Bugungacha rejada bo‘lgan ilk yig‘inning ikki mikrosikli ortda qoldi.
28 yanvargacha davom etadigan mashg‘ulotlardan so‘ng, jamoa Toshkentga qaytadi. Shu kungacha AGMK safida ko‘rikda bo‘lgan bir qator legionerlar bilan xayrlashilganini xabar bergan edik.
18 va 19 yanvar kungi o‘rtoqlik uchrashuvlaridan so‘ng qirg‘izistonlik Anton Zemlyanuxin va bosniyalik Ismar Tandirga ham ruxsat berildi. Bu futbolchilarning keyingi faoliyatiga omad tilaymiz.
Jamoa mashg‘ulotlariga qo‘shilgan darvozabon Pavel Matyash ham 2018 yilgi mavsumni jamoamizda boshlashga yaqin. Yig‘in davomida yana hujum chizig‘ida legioner futbolchilar ko‘rikdan o‘tishi davom etadi.
