Jon Xols uzoq vaqt “Arsenal” safida to‘p surgan, 2000 yilda yoshlar ligasida chempionga aylangan. Biroq klubning asosiy tarkibidan joy ola bilmagach, “Stok Siti”, “Reding” va Chempionshipning boshqa jamoalarida o‘ynagan. Keyinchalik esa futboldagi faoliyatini yakunlab, modelyerlik faoliyatini boshladi.

U ayni paytda “Versache” va “Armani” liboslarini namoyish qiladi va jurnallar muqovasi uchun suratga tushadi.

“Men “Arsenal” a’zosi bo‘lganimdan va har kuni Anri va Berkampp bilan mashg‘ulot olib borganimdan xursandman. Bu jamoada qolishim mumkin edi, ammo zaxirada o‘tirishni emas, o‘ynashni istadim. Keyin esa jarohat tufayli futbolni tark etdim.

Ba’zan modelyerlikni tashlab, futbolga qaytgim keladi. Chunki bu yerda sochingni tarashadi, bezashadi, xullas, 4 soat tayyorgarlik ko‘rasan, ammo hammasi atigi 30 soniyada o‘tib ketadi. Ammo xursandman, sababi ayni damda eng yaxshilardan biriman”, deydi Xols.