Kiyevning «Dinamo» klubi va Ukraina terma jamoasi sobiq darvozaboni Aleksandr Shovkovskiy Feysbuk sahifasida qiziqarli post qoldirdi.

«Sport haqida nimani bilasiz? Sport - nafaqat g‘alaba quvonchi va mag‘lubiyat alami, balki kilogrammlab to‘kilgan ter, kilometrlab o‘tilgan to‘siqlar va tonnalab sarflangan salbiy hissiyotlardir.

Bu qattiq zarbalar, mushak paylarining cho‘zilishi, suyaklarning sinishi, to‘qimalarning uzilishi oqibatida olingan jarohatlar va ularni davolash uchun sarflangan oylar va yillardan iboratdir. Bu shaxsiy va jamoaviy g‘alabalar uchun o‘zi va sog‘lig‘ini qurbon qilishdir. 

Sportchi faoliyatini yakunlaganidan so‘ng ham, juda uzoq vaqt davomida salbiy holatlar ta’sirini bartaraf qilish bilan shug‘ullanadi.

Men 35 yil oldin futbol o‘ynashga qaror qildim. Mana uning oqibatlari», – deb yozdi Shovkovskiy va barmoqlari fotosuratlarini joylashtirdi.