Киевнинг «Динамо» клуби ва Украина терма жамоаси собиқ дарвозабони Александр Шовковский Фейсбук саҳифасида қизиқарли пост қолдирди.
«Спорт ҳақида нимани биласиз? Спорт - нафақат ғалаба қувончи ва мағлубият алами, балки килограммлаб тўкилган тер, километрлаб ўтилган тўсиқлар ва тонналаб сарфланган салбий ҳиссиётлардир.
Бу қаттиқ зарбалар, мушак пайларининг чўзилиши, суякларнинг синиши, тўқималарнинг узилиши оқибатида олинган жароҳатлар ва уларни даволаш учун сарфланган ойлар ва йиллардан иборатдир. Бу шахсий ва жамоавий ғалабалар учун ўзи ва соғлиғини қурбон қилишдир.
Спортчи фаолиятини якунлаганидан сўнг ҳам, жуда узоқ вақт давомида салбий ҳолатлар таъсирини бартараф қилиш билан шуғулланади.
Мен 35 йил олдин футбол ўйнашга қарор қилдим. Мана унинг оқибатлари», – деб ёзди Шовковский ва бармоқлари фотосуратларини жойлаштирди.
