Arda Turon "Istanbul Bashakshehir" safidagi dastlabki o‘yinidayoq gol urishga muvaffaq bo‘ldi. "Bursaspor"ga qarshi o‘yinning 65-daqiqasida 30 yoshli futbolchi zaxiradan maydonga tushdi.
Uchrashuv tugashi arafasida u jarima maydonchasi tashqarisidan aniq zarba bilan darvozaning yaqin "to‘qqizligi"ni zabt etdi. Yakunda "Istanbul Bashakshehir" 3:0 hisobida g‘alaba qozondi.
Eslatib o‘tamiz, "Istanbul" Arda Turonni 2,5 yilga "Barselona"dan ijaraga oldi.