O‘zbekiston olimpiya terma jamoasi bosh murabbiyi Ravshan Haydarov Osiyo chempionatining yarim final bosqichidan o‘rin olgan Janubiy Koreyaga qarshi o‘yindan keyin o‘z fikrlarini bildirib o‘tdi.

"Shogirdlarim qo‘llaridan kelgan barcha ishni qilishdi. Ushbu yoshdagi terma jamoa tarixida eng yaxshi natija qayd etdik. Futbolchilar charchagan bo‘lsalarda, biz jismoniy va taktik jihatdan kuchli edik".

"Janubiy Koreya — kuchli terma jamoa. Bu haqda o‘yindan oldan futbolchilarga aytgandim. Ikkita qo‘shimcha bo‘limlarda harakat qilish ancha og‘ir bo‘ldi. Shunga qaramay, futbolchilar xarakter va individual mahorat namoyish qilishdi. O‘ylaymanki, biz g‘alabaga munosib edik".

"O‘z shogirdlarimga rahmat aytishni istardim. Bugun juda qiyin o‘yin o‘tkazdik. Biz uchrashuvning boshidan oxirigacha o‘yinni nazorat qildik, to‘p nazorati biz tomonda bo‘ldi. O‘z oilamiz va muxlislarimiz uchun g‘alaba qozondik".

"Murabbiy sifatida shuni aytishim mumkinki, biz raqibga nisbatan yaxshi o‘ynadik. Bir kishi kam bo‘lib qolganidan keyin Koreya terma jamoasiga qiyin bo‘ldi. Ammo bu narsa bahsning borishini keskin o‘zgartirib yubormadi. Boisi, biz shundoq ham o‘yinni nazorat qilayotgandik", — dedi Ravshan Haydarov.