“Arsenal” klubi sobiq hujumchisi Tyerri Anri Aleksis Sanches bilan “Manchester Yunayted” haqida gaplashmagani va OAVda tarqalayotgan “Anri Sanchesni Londonni tark etishga ko‘ndirdi” nomli yangiliklar noto‘g‘ri ekanini aytdi.
“Bilaman, “Arsenal” muxlislariga Sanches bilan gaplashganim haqida aytish qiziq bo‘lmasligi mumkin. Lekin aytishim kerak hech qachon Aleksis bilan bu masalada gaplashmaganman. Transfer haqida esa hamma kabi OAV orqali xabar topdim. Uni “Arsenal”ni tark etishga men undamaganman”, - dedi Anri.