Ertaga Ravshan Haydarov boshchiligidagi O‘zbekiston terma jamoasi Xitoyda o‘tayotgan Osiyo chempionati finalida Vyetnam termasi bilan bahs olib boradi.

Mazkur o‘yinni yurtdoshlarimiz qiziqish bilan kutishayotganligi bor gap. Muxlislarning talab istaklaridan kelib chiqqan holda joylarda final uchrashuvini katta ekranda namoyish etish borasida ishlar amalga oshirilmoqda.

Namangan viloyat futbol federasiyasi va “Navbahor” muxlislar klubi ishqibozlarga qulaylik yaratishga qaror qilishdi.

Ya’ni uchrashuvni bayramona ruhda o‘tkazish va terma jamoamizni qo‘llab quvvatlashlarini ta’minlash uchun Vyetnam – O‘zbekiston uchrashuvi katta ekranda namoyish qilinadi.

Final bahsini katta ekranda tomosha qilishni xohlovchilar ertaga Namangan shahrida joylashgan Madaniyat va aholi dam olish maskaniga (avvalgi To‘qimachilar saroyi) taklif etamiz.

Mo‘ljal 5-kichik tumandagi “Yashil bozor” ro‘parasida. Uchrashuv soat 13:00 da boshlanadi.