"Espanyol" klubi rahbariyati Ispaniya futbol federasiyasiga "Barselona" himoyachisi Jerar Pike ustidan shikoyat qildi.

Gap shundaki, "ko‘k-anorranglilar" himoyachisi Ispaniya kubogi doirasida bo‘lib o‘tgan «Espanyol»ga qarshi o‘yindan keyin raqibni Kataloniya jamoasiga emasligiga sha’ma qilib o‘tgandi: «Biz bu o‘yinda katta qiyinchilikka duch kelmadik. Ammo Kornelya (Barselona atrofidagi hudud — stadion.uz izohi) jamoasi bizga ko‘pincha muammo yaratadi».

«Espanyol» rahbariyati Pikening fikrini haqorat deb qabul qildi va futbolchining jazolanishini istamoqda.

Bundan tashqari, «Espanyol» "Barselona" yarim himoyachisi Serxio Busketsning intervyusiga e’tibor qaratdi. Buskets fikr bildirar ekan, raqib birinchi o‘yinda qozonilgan g‘alabadan keyin ancha erta xursand bo‘lganini va "Barsa" javob o‘yinida g‘alaba qozonib, "Espanyol"ni o‘z joyiga o‘tqazib qo‘yganini ta’kidlab o‘tdi. «To‘tiqushlar» rahbariyati maxkur izohni ham haqoratomuz deya hisobladi.