30 yanvar, seshanba kuni Qarshidagi “Markaziy” stadionda, “Nasaf” hamda Iordaniyaning “Al-Faysaliy” klublari o‘rtasida OCHL-2018 pley-off uchrashuvi bo‘lib o‘tadi.

Ushbu uchrashuvdan bir kun avval, ya’ni 29 yanvar, dushanba kuni o‘tkaziladigan rasmiy tadbirlarning vaqtlari aniq bo‘ldi.

Demak, soat 11:00da boshlanadigan o‘yinoldi matbuot anjumanining dastlabki qismida, "Nasaf" ustozi Ro‘ziqul Berdiyev va bir nafar futbolchi ishtirok etadi.

“Nasaf”ning o‘yinoldi rasmiy mashg‘uloti soat 15:00da boshlanadi.

“Al-Faysaliy” jamoasining o‘yinoldi rasmiy mashg‘uloti esa soat 16:00da boshlanadi.

Jurnalistlarga rasmiy mashg‘ulotlarning dastlabki 15 daqiqasini kuzatish imkoniyati beriladi.

“Al-Faysaliy” klubi vakillari ishtirokidagi matbuot anjumani soat 17:00da boshlanadi.

Har ikkala klub rasmiylari ishtirokidagi miting esa, 30 yanvar kuni ertalab soat 9:00da bo‘lib o‘tadi. Unda bir qancha tashkiliy masalalar qatori, jamoalarning qanday libosda maydonga tushishlariga aniqlik kiritiladi.

Rasmiy tadbirlarning barchasi “Markaziy” stadionda o‘tkaziladi.

Ushbu tadbirlarda akkreditasiyadan o‘tgan jurnalistlar ishtirok etishlari mumkin. Akkreditasiyadan o‘tgan jurnalistlarga, ruxsatnomalar 29 yanvar dushanba kuni soat 10:30dan boshlab  “Markaziy” stadionda tarqatiladi.