“Barselona” klubi rahbariyati “Gremio” jamoasi yarim himoyachisi Artur Ramosni sotib olmoqchi.

Kataloniyalik klub vakillari shu hafta oxirida “Gremio” rahbariyati bilan uchrashib, 21 yoshli o‘yinchi borasida rasmiy taklif bilan chiqadilar.

UOL Esporte nashrining ma’lumotiga ko‘ra, xavbekni 30 million yevroga sotib olish taklifi o‘rtaga tashlanadi.

Agar transfer borasida kelishuvga erishilsa, braziliyalik futbolchi katta ehtimol bilan kamida iyulgacha “Gremio”da qoladi va 2018 yilni to‘liqligicha Braziliyada o‘tkazishi ham mumkin.