Xabaringiz bor,jamoamiz Toshkentda mavsumga tayyorgarlikni davom ettirmoqda. Yig‘in davomida jamoa murabbiylar shtabi bir nechta o‘rtoqlik uchrashuvlarini o‘tkazishni rejalashtirgan.
Bugun Qibrayda jamoamiz “Navbahor”ga qarshi o‘rtoqlik uchrashuvini o‘tkazdi.
Dastlabki bo‘lim teng kurashlar ostida o‘tdi. Ikkala jamoada gol urish uchun bir qancha vaziyatlar bo‘ldi. Ikkala jamoa darvozabonlari va himoyachilarning faol harakatlari sabab birinchi bo‘limda hisob ochilmadi.
Ikkinchi bo‘limda ikkala jamoa murabbiylari ham tarkibda bir qator o‘zgarishlarni amalga oshirdi.Bu esa ko‘proq “So‘g‘diyona” foydasiga ishladi. Jamoamiz tarkibida mashg‘ulotlarni ishtirok etayotgan Doniyor Odilov Izzatilla Abdullayevning uzatmasidan so‘ng raqib darvozani ishg‘ol etib, “So‘g‘diyona”ni oldinga olib chiqdi.
O‘yinninng oxirgi daqiqalariga kelib namanganliklar yana faollashdi. Uchrashuv davomida yaxshi harakat qilgan jamoamiz himoyachilari Zohir Primovga gol urish uchun imkoniyat yaratib berishdi. Futbolchi esa bundan unumli foydalandi va o‘yin 1:1 hisobida yakunlandi.
O‘rtoqlik uchrashuvi. “Navbahor”-“So‘g‘diyona” 1:1
Gollar: Doniyor Odilov,Zohir Pirimov
“So‘g‘diyona”: Shirinboy Abdullayev, Azamat Isroilov, Sardor Qulmatov, Izzatilla Abdullayev, Nodirbek Yo‘ldoshev, Arkadiy Galperen, Izzat G‘aniyev, Sardor Eminov, Dilmurod Karimov, Shoxrux Xolmatov , Umidjon Qodirov.
Zahira: Sardor Qobuljonov, Elyor Orifov ,Jasur Urinov ,SHerzod Jalilov, Doniyor Odilov
“So‘g‘diyona” matbuot xizmati
