Avval xabar berganimizdek, “Al Faysaliy” klubi futbolchilari va rasmiy delegasiyasi, bugun kechki payt Qarshiga yetib kelishdi. Aslida ular ishtirokidagi matbuot anjumani bugun soat 17:00da bo‘lishi rejalashtirilgan edi. Mehmonlarning Qarshiga kechikib kelganlari bois, ular ishtirokidagi rasmiy tadbirlar bugun o‘tkazilmadi.
“Al Faysaliy” klubi vakillari ishtirokidagi o‘yinoldi matbuot anjumani ertaga, ya’ni 30 yanvar kuni soat 10:30da o‘tkaziladigan bo‘ldi. Matbuot anjumanida jamoa murabbiyi Neboysa Yuyovich va jamoaning 13-raqamdagi yarim himoyachisi Xalil Baniatiyahlar ishtirok etishadi. Xalil Baniatiyah jamoa sardori hamdir.
Klubimiz tomonidan akkreditasiyadan o‘tgan barcha jurnalistlarni, “Markaziy” stadionimizda bo‘ladigan matbuot anjumaniga taklif etamiz.
