Аввал хабар берганимиздек, “Ал Файсалий” клуби футболчилари ва расмий делегацияси, бугун кечки пайт Қаршига етиб келишди. Аслида улар иштирокидаги матбуот анжумани бугун соат 17:00да бўлиши режалаштирилган эди. Меҳмонларнинг Қаршига кечикиб келганлари боис, улар иштирокидаги расмий тадбирлар бугун ўтказилмади.
“Ал Файсалий” клуби вакиллари иштирокидаги ўйинолди матбуот анжумани эртага, яъни 30 январ куни соат 10:30да ўтказиладиган бўлди. Матбуот анжуманида жамоа мураббийи Небойса Йуйович ва жамоанинг 13-рақамдаги ярим ҳимоячиси Халил Баниатияҳлар иштирок этишади. Халил Баниатияҳ жамоа сардори ҳамдир.
Клубимиз томонидан аккредитациядан ўтган барча журналистларни, “Марказий” стадионимизда бўладиган матбуот анжуманига таклиф этамиз.
