Toshkentda o‘quv yig‘ini mashg‘ulotlarini o‘tkazayotgan “Qizilqum” futbolchilari bugun yig‘in davomida ilk nazorat uchrashuvini poytaxtning “Oqtepa” jamoasi bilan o‘tkazib, yirik g‘alabaga erishishdi.
Uchrashuvning 31-daqiqasida Nemanya Yovanovich uchrashuvda hisobni ochgan bo‘lsa, 58-daqiqada jamoamizning boshqa bir legioneri Guja Grigalashvili kuchli zarbasi bilan oradagi farqni ikkitaga oshirdi. Keyinchalik poytaxtlik futbolchilar oradagi farqni bittaga qisqartirishgan bo‘lishsada, o‘yin oxirlarida Humoyun Abdualimov va Mirjalol Qosimov raqib darvozasini aniq nishonga olib, hisobni yirik ko‘rinishga keltirishdi -4:1.
“Oqtepa”ga qarshi bahsni futbolchilarimiz quyidagi tarkibda boshlashdi: Yevgeniy Cheremisin, Giorgi Kvesiyeshvili, Erkin Boydullayev, Nemanya Yovanovich, Alisher Sanoyev, Akmal Rustamov, Fayzulla Qambarov, Artur Gevorkyan, Sherali Jo‘rayev, Doniyor Usmonov, Guja Grigalashvili.
Ikkinchi bo‘limda maydonga tushganlar: Erkin Jabborov, Mirzakamol Kamolov, Samandar Shodmonov, Feruz Boboqulov, Mirjalol Qosimov, Humoyun Abdualimov, Alisher Yusupov.
“Qizilqum” futbolchilari yig‘ini davomidagi navbatdagi uchrashuvni 2 fevral kuni Namanganning “Navbahor” jamoasi bilan o‘tkazishlari rejalashtirilgan.
"Qizilqum" Matbuot xizmati.
