“Chelsi” klubi bosh murabbiyi Antonio Konte “Bornmut”ga qarshi uchrashuvdan so‘ng o‘z matbuot anjumandi o‘z fikrlarini bildirib o‘tdi.

“Faqat bir narsa, raqib jamoa yaxshi harakatlangani haqida aytishim mumkin xolos. Biz o‘yinda qandaydir yangilik yaratmoqchi bo‘ldik, lekin hatto, birinchi bo‘lim 0:0 hisobi qayd etilayotgan daqiqalarda ham juda qiyin o‘yin o‘tkazdik.

Ha, “Chelsi”da muammolari yetarli, lekin hozir o‘zimni oqlashning vaqti emas, “Bornmut” haqqoniy g‘alabaga erishdi. Biz yana o‘z ishimizni davom ettiramiz va yoqimsiz natijani yodimizdan chiqarishga harakat qilamiz. Mavsumni kuchlilar orasida yakunlashimiz shart. Agar kimdir mening so‘zlarimga qarshi bo‘lsa, bemalol unga “sen futbolni tushunmaysan” deb aytaman. Futbolda shunday kutilmagan o‘yinlar ham bo‘lib turadi”, - dedi Konte.