"Sevilya"ning sobiq bosh murabbiyi Eduardo Berisso saraton kasalligidan shifo topdi.
Marca nashrining yozishicha, argentinalik mutaxassis saraton shishini olib tashlash borasida muvaffaqqiyatli operasiyadan so‘ng davolanishga muhtoj emas.
Tibbiy tahlillar kasallik chekinganini ko‘rsatdi. 48 yoshli mutaxasis ishga qaytishga tayyorligini ma’lum qildi.
Berissoning prostata saratoniga uchragani o‘tgan yilning 22 noyabrida ma’lum bo‘lgan edi. Bir haftadan so‘ng u operasiya qilindi. Ammo klub rahbariyati dekabrda qoniqarsiz natijalar uchun uni iste’foga chiqargan edi.
