Yashil emas, maydon edi oq,

«Qorli final» Xitoyda bo‘ldi.

Sovuq edi, sirpanchiq biroq,

Yurak shiddat-otashga to‘ldi.



Oq maydonda uchib yigitlar,

Raqibga berishmadi imkon.

Rosa paytin kutib shunqorlar,

Kubokni naqd qilishdi so‘nggi on.



Jamoa hujumda bearmon,

Goh oq, goh ko‘k libosda.

Harakatlar zo‘r, turli-tuman,

Vyetnam ham qoldi pastda.



Sidorovning ilk zarbasi -

Larzaga keldi butun stadion.

Silkidi raqib darvozasi to‘ri,

O‘zbek o‘g‘lonlari - chempion.



Futbolimiz uyg‘ondi chog‘i,

Tinmasin zafar sadolari.

O‘zbek sha’ni, g‘ururi sizlar:

Qahraton qish qahramonlari!!!

Sardorbek ISROILOV, Namangan shahri.