Яшил эмас, майдон эди оқ,

«Қорли финал» Хитойда бўлди.

Совуқ эди, сирпанчиқ бироқ,

Юрак шиддат-оташга тўлди.



Оқ майдонда учиб йигитлар,

Рақибга беришмади имкон.

Роса пайтин кутиб шунқорлар,

Кубокни нақд қилишди сўнгги он.



Жамоа ҳужумда беармон,

Гоҳ оқ, гоҳ кўк либосда.

Ҳаракатлар зўр, турли-туман,

Вьетнам ҳам қолди пастда.



Сидоровнинг илк зарбаси -

Ларзага келди бутун стадион.

Силкиди рақиб дарвозаси тўри,

Ўзбек ўғлонлари - чемпион.



Футболимиз уйғонди чоғи,

Тинмасин зафар садолари.

Ўзбек шаъни, ғурури сизлар:

Қаҳратон қиш қаҳрамонлари!!!

Сардорбек ИСРОИЛОВ, Наманган шаҳри.