"Lokomotiv" (Moskva) klubining sobiq prezidenti Nikolay Naumovning aytishicha, temiryo‘lchilar 10 yil avval Mediterranean Cup-2008 musobaqasida Neymarni sotib ololmaganlar.

– Neymar va Koutinyo boshqalardan ajralib turgandirlar?

– Bunday demagan bo‘lardim. Biz Neymarni o‘sha musobaqadan keyin kuzata boshladik. Uni sotib olish kerakmi, yo‘qmi, deb o‘yladik. Uni sotib olishga qaror qildik. Seleksionerlar uni ko‘rishdi. Unga ko‘p ikkilanishlar bo‘ldi. Birinchidan, u juda yosh edi, ikkinchidan uning Rossiyaga moslashishi ham gumon. U juda oriq bola edi. Keyin uning nomzodini rad qildik. Maykonni bo‘lsa tez orada qo‘lga kiritdik.

- Ammo uning yoshi kattaroq edi

– To‘g‘ri. Ammo ajralib turar edi. Tezkor, faol. Neymar esa gumon tug‘dirar edi. Seleksionerlar uning saviyasini tan oldilar... Ammo uni sotib olish fikridan qaytdik. Braziliyalik yosh o‘yinchi, buning ustiga juda qimmat so‘rashdi. Aniq esimda yo‘q, 10 million yevro atrofida. O‘zingiz tushuning boshqa qit’alik yosh o‘yinchiga buncha summa... Buning ustiga o‘z cho‘ntagimdan to‘lamayapman. Bu kompaniya pullari edi.

– Demak, dunyo futbolining bo‘lajak yulduzini oldindan ko‘ra olmadingizlar?

– Aytdimku, Neymar boshqalardan qattiq ajralib turmagan edi. U musobaqada uni sezmadim. Ha, biz finalda yutqazgan edik, ammo Neymar boshqalardan kuchliroq o‘ynaganini ko‘rmadim. Hatto Alan Gatagov undan yaxshiroq o‘ynagan edi.

– Yo‘g‘e?

– Ha, biroz yaxshiroq o‘ynagan edi", - eslaydi Naumov.